Ոչ եւս է Հայր Ներսէս Վրդ. Թոսունեան։

Երկուշաբթի, 19 Մայիս 2014։ Ռատիովատիկանի հայկական բաժնի անձնակազմը ցաւով իմացաւ Հայր Ներսէս Վրդ. Թոսունեանի մահուան լուրը որ պատահեցաւ Թեհրան`Կիրակի 18 Մայիս 2014-ին։
Աղօթք կը բարձրացնենք առ Աստուած որպէսզի զինք ընդունի արդարներու դասին մէջ։
Հայ Թոսունեան եղած է օրինակելի մարդ, քահանայ եւ մտաւորական։ Ան ծնած է Մուսատաղ, 6 մայիս 1932-ին։ Մտած է Զմմառու դպրեվանքը ուսկից ապա ղրկուած է Հռոմ, Լեւոնեան Վարժարան` 20 հոկտեմբեր 1953-ին։
Քահանայ ձեռնադրուած է 28 մարտ 1959-ին, Պէյրութի աթոռանիստ եկեղեցւոյ մէջ ձեռամբ երջանկայիշատակ Վսեմ. Կարտինալ Աղաճանեանի։ Պաշտօնավարած է Զմմառ եւ ապա Թեհրան ուր ծառայած է իբրեւ ժողովրդապետ մինչեւ մահ։