കര്‍ദ്ദിനാള്‍ വലീനിയുടെ
പൗരോഹിത്യ സുവര്‍ണ്ണജൂബിലി
14 മെയ് 2014, വത്തിക്കാന്റോമാ രൂപതയുടെ വികാരി ജനറല്‍, കര്‍ദ്ദിനാള്‍ അഗസ്തീനോ വലീനി
പൗരോഹിത്യ സുവര്‍ണ്ണജൂബിലി നിറവിലെത്തി. പാപ്പാ ഫ്രാന്‍സിസ് അദ്ധ്യക്ഷനായ റോമാ രൂപതയുടെ വികാരി ജനറല്‍, ഇറ്റലിക്കാരനായ കര്‍ദ്ദിനാള്‍ അഗസ്തീനോ വലീനിയാണ് പൗരോഹിത്യത്തിന്‍റെ 50-ാം വാര്‍ഷികവും മെത്രാന്‍ പദവിയുടെ 25-ാം വാര്‍ഷികവും സംയുക്തമായി ആഘോഷിക്കപ്പെട്ടത്.
മെയ് 13-ാം തിയതി ചൊവ്വാഴ്ച വൈകുന്നേരം റോമാ രൂപതയുടെ ഭദ്രാസന ദേവാലയമായ വിശുദ്ധ ജോണ്‍ ലാറ്ററാന്‍ ബസിലിക്കയില്‍ കൃതജ്ഞതാ ബലിയര്‍പ്പിച്ചുകൊണ്ടാണ് ജൂബിലി ആഘോഷങ്ങള്‍ക്ക് തുടക്കമിട്ടത്. 2008 മുതല്‍ റോമാ രൂപതയുടെ വികാരി ജനറലാണ് മോണ്‍സീഞ്ഞോര്‍ വലീനി.
2006-ല്‍ ബനഡിക്ട് 16-ാമന പാപ്പായാണ് അദ്ദേഹത്തെ കര്‍ദ്ദിനാള്‍ സ്ഥാനത്തേയ്ക്ക് ഉയര്‍ത്തിയത്.
1964-ല്‍ നേപ്പില്‍സിന്‍റെ രൂപതാ വൈദികനായി അദ്ദേഹം അഭിഷികനായി.
തുടര്‍ന്ന് 1989-ല്‍ അവിടത്തെ സഹായമെത്രാനായി. പിന്നീട് അദ്ദേഹം വത്തിക്കാന്‍റെ നിയമ കാര്യാലയത്തില്‍ (Roto Romano) നിയമിതനായി. അവിടെ സേവനംചെയ്യവേയാണ് മുന്‍പാപ്പാ ബനഡിക്ട് റോമാ രൂപതയുടെ വികാരി ജനറലായും, സഭയുടെ കര്‍ദ്ദിനാളായും മോണ്‍സീഞ്ഞോര്‍ വലീനിയെ ഉയര്‍ത്തിയത്.
| All the contents on this site are copyrighted ©. |