Տօնակատարութիւն Ֆաթիմայի Աստուածամօր օրուան - Զահլէ

Կիրակի 11 Մայիս 2014, երեկոյեան ժամը 17.00-ին, Զահլէյի «Ֆաթիմայի Տիրամօր» եկեղեցւոյ մէջ, Սուրբ և Անմահ Պատարագ մատոյց Զմմառու Պատրիարքական Միաբանութեան Ընդհանուր Մատակարար և Զոյգ դպրեվանքներու Տեսուչ՝ Հ. Բարսեղ Վրդ. Պաղտասարեան, մասնակցութեամբ Երանելի Մալոյեան և Ս. Միքայէլ Դպրեվանքի սաներուն և «Ֆաթիմայի Տիրամօր» եկեղեցւոյ երգչախումբին: Ներկայ էին Գերյարգելի, Գերապատիւ և Քահանայ Հայրեր, պաշտօնական անձնաւորութիւններ և հաւատացեալներ: Սուրբ և Անմահ Պատարագի աւարտին՝ Աստուածամօր արձանով թափօր տեղի ունեցաւ քաղաքին մէջ, որուն իրենց մասնակցութիւնը բերին ուխտաւոր հաւատացեալներ, մոմավառութեամբ, հոգեւոր երգերու և շարականներու երգեցողութեամբ ու վարդարանի աղօթքով: