Пасол Ізраіля пры Святым Пасадзе: экстрэмізм не будзе мець уплыву на візіт Папы
Узрастаючы вандалізм
адносна хрысціянскіх месцаў у Ізраілі, па словах пасла гэтай краіны пры Святым Пасадзе,
не будзе мець ніякага ўплыву на маючы адбыцца візіт папы Францішка ў Святую Зямлю.
Гаворка ідзе пра дзеянні “некалькіх экстрэмістаў”, якія не з’яўляюцца прадстаўнікамі
стаўлення ізраільскага ўрада і большасці насельніцтва, сказаў Сіён Эврані у інтэрв’ю
італьянскай газеце “La Repubblica”. Палітычныя і рэлігійныя лідэры асудзілі нядаўнія
інцыдэнты. Сілы бяспекі робяць ўсё, каб знайсці вінаватых.
Папа Францішак
здзейсніць сваё падарожжа ў Святую Зямлю 24-26 мая 2014 г. Ён наведае Аман, Бэтлеем
і Іерусалім.
Лацінскі Патрыярх Іерусаліма, арцыбіскуп Фуад Туаль, казаў у святле
нядаўніх актаў вандалізму ў дачыненні да хрысціянскіх месцаў аб “атручаным паветры”.
Ён таксама выказаў меркаванне, што ізраільскія ўлады робяць не дастаткова, каб знайсці
вінаватых.
Пасол Ізраіля, у сваю чаргу, адзначыў, што хрысціянскія супольнасці
ў Ізраілі маюць поўную рэлігійную свабоду, а самі хрысціяне з’яўляюцца паўнапраўнымі
грамадзянамі краіны. Ізраіль – гэта адзіная краіна на Блізкім Усходзе, дзе колькасць
хрысціян расце.
Лічба нападаў на хрысціянскія і арабскія месцы з боку ізраільскіх
экстрэмістаў у апошні час значна ўзрасла. На мінулым тыдні на будынку Канферэнцыі
Каталіцкіх Біскупаў у Іерусаліме яны напісалі: “Смерць арабам, хрысціянам і ўсім,
хто ненавідзіць Ізраіль”. Біскупы выказалі занепакоенасць у сувязі з неаднаразовымі
нападамі і заклікалі ізраільскія ўлады прыняць рашучыя меры.