ԵԱՀԿ-ը սահմանի վրայ ծրագրային դիտարկում պիտի իրականացնէ
Մայիս 6-ին Լեռնային Ղարաբաղի Հանրապետութեան իշխանութիւններու հետ ձեռք բերուած համաձայնութեամբ`
ԵԱՀԿ առաքելութիւնը Լեռնային Ղարաբաղի եւ Ատրպէյճանի զինուած ուժերու սահմանին ծրագրային
դիտարկում պիտի իրականացնէ ԼՂՀ Մարտակերտի շրջանի Սէյսուլան բնակավայրի հիւսիս-արեւմտեան
ուղղութեամբ: Այս մասին կը տեղեկացնէ ԼՂՀ ԱԳ նախարարութեան լրատուական ծառայութիւնը:ԼՂՀ պաշտպանութեան բանակի դիրքերէն դիտարկումը պիտի իրականացնեն ԵԱՀԿ գործող նախագահի անձնական ներկայացուցիչ դեսպան Անճէյ Գասպշիկը եւ անոր դաշտային օգնականներ Եւկենի Շարովը (Ուքրանիա) եւ Խրիսթօ Խրիսթովը (Պուլկարիա):
ԼՂՀ իշխանութիւնները պատրաստակամութիւն յայտնած են աջակցելու դիտարկման իրականացման եւ ապահովելու ԵԱՀԿ առաքելութեան անդամներու անվտանգութիւնը:
| All the contents on this site are copyrighted ©. |