Папа звярнуўся з заклікам у сувязі з трагічнымі падзеямі ва Украіне і Афганістане
Папа Францішак звярнуўся
з заклікам аб міры ва Украіне. 4 мая 2014 г., пасля нядзельнай малітвы “Regina Caeli”
на плошчы св. Пятра, Пантыфік пажадаў даверыць вырашэнне драматычнага канфлікту ў
гэтай краіне заступніцтву Найсвяцейшай Панны Марыі. “Дарагія браты і сёстры, хачу
даверыць Маці Божай сітуацыю ва Украіне, дзе не знікае напружанасць. Сітуацыя цяжкая!
Малюся разам з вамі за загінуўшых у гэтыя дні, просячы, каб Пан выліў у сэрцы ўсіх
пачуцці прымірэння і братэрства”, - сказаў Папа. Таксама Святы Айцец заклікаў маліцца
за ахвяраў апоўзня ў Афганістане, які абрынуўся на вёску Хоба-Барык у горнай правінцыі
Бадашхан 2 мая 2014 г. На сённяшні дзень зніклымі без вестак лічацца каля 2 тыс. ахвяраў
гэтай трагедыі. Дакладна вядома аб смерці каля 400 жыхароў пасялення. “Божа Усемагутны,
які ведаеш імя кожнага з іх, прымі ўсіх у сваім супакоі; дай тым, хто засталіся жывымі
сілы жыць далей, пры падтрымцы тых, хто дапамагае паменшыць іх пакуты”, - сказаў Святы
Айцец.