Ս. Աթոռի Պետական Քարտուղարի խօսքը Ավստրալիայի ու Ս. Աթոռի դիւանագիտական կապերու
40-րդ տարեդարձին առթիւ` Ավստրալիան եւ Ս. Աթոռը հասարակաց բարիքին ի խնդիր։
Ս. Աթոռի եւ Ավստրալիայի դիւանագիտական կապերու 40-րդ տարեդարձին եւ առաքելական պատուիրակութեան
հաստատման հարիւրամեակին առթիւ, Կարտինալ Փարոլին` Ս. Աթոռի Պետական քարտուղարը, անցեալ
28 ապրիլի յետմիջօրէին, Վատիկանի Ընտանիքի Տիրամօր նուիրուած եկեղեցւոյ մէջ, պատարագ
մատուցեց, մասնակցութեամբ կարտինալ Փելի` առաջնորդը Սիտնէի թեմին եւ Նորաստեղծ տնտեսութեան
քարտուղարութեան կառավարիչը ։ Քարոզին մէջ Կարտինալ Փարոլին ըսաւ` Աուստրալիոյ սքանչելի
հողի պատմութիւնը յատկաշնուած է Կաթողիկէ Եկեղեցւոյ յարաճուն յանձնառումով` առողջապահութեան,
դաստիարակութեան ու եղբայրօգնութեան մարզերէն ներս։ Ան ապա հրաւիրեց ներկաները մտաբերել
մասնաւորապէս օրինակը Ավստրալիացի առաջին սրբուհի Մաք քիլոբի` (1842-1909) հիմնադիրը
ս. Յովսէփի կրօնաւորական իգական միաբանութեան։ Ան միշտ աշխատեցաւ մարդու իրաւունքներու
պաշտպանութեան ի խնդիր եւ այս պատճառաւ մենք եւս կանչուած ենք գործել հասարակաց բարիքին
կերտումին եւ յանձնառումով աշխատիլ խաղաղ կապեր հաստատելու ժողովուրդներու միջեւ, արդարութեան
ու հաշտութեան արժէքներու վրայ – Հաստատեց Կարտինալ Փարոլինը։