Прэфект Кангрэгацыі Веравучэння: не забывацца пра спадчыну Бэнэдыкта XVI
Навучанне Бэнэдыкта
XVI з’яўляецца для Касцёла каштоўнай спадчынай, пра якую не можна забыцца толькі таму,
што яго пантыфікат закончыўся. Гэта багацце веравучэння, якое, з аднаго боку, шырока
вядомае і ацэненае, а з другога, чакае на адкрыццё ва ўсёй сваёй паўнаце і глыбіні.
Так аб важнасці дактрынальнай спадчыны Папы на пенсіі, падчас прэзентацыі зборніка
яго выказванняў падчас Сінодаў Біскупаў, 30 красавіка 2014 г. у Рыме, выказаўся кардынал
Герхард Людвіг Мюлер.
Выдадзеная ватыканскім выдавецтвам кніга “Ёзэф Ратцынгер
– Бэнэдыкт XVI і Сінод Біскупаў” змяшчае ўсе яго сінадальныя выступленні, як кардынала
і як Пантыфіка. На працягу 35 гадоў, пачынаючы з 1977 г., ён прыняў удзел у 20-ці
біскупскіх асамблеях.
Прэфект Кангрэгацыі Веравучэння адзначыў, што дактрына
зусім не стаіць у апазіцыі да практычнага жыцця Касцёла, але імкнецца захаваць змест
нашай веры і ідэнтычнасці. Яна прадухіляе ад “затаплення” сур’ёзных для чалавека спраў
у свайго роду “моры” нявызначанага і часовага. Кіраванне Касцёлам палягае, перш за
ўсё, на прыняцці чалавека і надзяленні яго жыццём, якое зыходзіць ад Бога. Біскуп
павінен наследаваць у гэтым Хрыста Добрага Пастыра. Менавіта гэтаму вучыў Бэнэдыкт
XVI, засноўваючыся на досведзе свайго ўдзелу ў Сінодах Біскупаў. Гэта таксама прысутнічае
ў навучанні папы Францішка, адзначыў кардынал Мюлер.