Папа сустрэнецца з удзельнікамі фінала футбольнага Кубка Італіі
Папа Францішак прыме
на аўдыенцыі дэлегацыі двух італьянскіх футбольных клубаў – “Напалі” і “Фіарэнціны”,
якія 3 мая 2014 г. сыграюць фінальны матч за Кубак Італіі на рымскім Алімпійскім стадыёне.
Аўдыенцыя адбудзецца ў Ватыкане за дзень да правядзення гульні. У ёй прымуць удзел
прадстаўнікі абодвух каманд, арбітры фінальнага матчу, а таксама кіраўніцтва італьянскай
Вышэйшай футбольнай лігі. Яе старшыня Маўрыцыа Берэта перадасць у дар Святому Айцу
копію Кубка Італіі і афіцыйнага мяча, які будзе выкарыстаны падчас матчу.
За
час свайго пантыфікату Святы Айцец неаднойчы сустракаўся з вядомымі футбалістамі.
Яго гасцямі ў Ватыкане былі такія сусветныя зоркі як: Ліянэль Мэсі, Джанлуіжы Буфон,
Хав’ер Санэці і многія іншыя. Сам Пантыфік з’яўляецца заўзятарам агрентынскага клуба
“Сан Ларэнца”.