Пантыфік стварыў камісію для вырашэння пытання перуанскага ўніверсітэта
Святы Айцец прызначыў
спецыяльную камісію кардыналаў для вырашэння праблем паміж Святым Пасадам і Універсітэтам
Перу. Два гады таму ватыканскі Дзяржаўны Сакратарыят забраў у навучальнай установы
права выкарыстоўваць тытулы “Папскі” і “каталіцкі”. Як паведаміў 29 красавіка 2014
г. яе рэктар Марсьяль Рубіа, са спасылкай на паведамленне, атрыманае ад Апостальскай
нунцыятуры ў Ліме, тры кардыналы павінны знайсці канчатковае рашэнне на аснове Апостальскай
канстытуцыі “Ex Corde Ecclesiae”.
Праца камісіі будзе ажыццяўляцца пад кіраўніцтвам
кардынала Пэтэра Эрдо, прымаса Венгрыі, вядомага спецыяліста ў галіне кананічнага
права, які правёў больш за два гады таму па просьбе Бэнэдыкта XVI візітацыю ў перуанскім
універсітэце. Акрамя таго ў склад камісіі ўвойдуць кардынал Жэраль Сіпрыян Лакруа
з Квэбэка і кардынал Рыкарда Эсаці Андрэліё з Сант’яга дэ Чылі.