Адбылася сустрэча Камісіі кардыналаў па наглядзе за Інстытутам рэлігійных спраў
28 красавіка 2014
г. у Ватыкане ў памяшканні Інстытута рэлігійных спраў, вядомага пад назвай – Ватыканскі
банк, адбылася сустрэча Камісіі кардыналаў па наглядзе за выпрацоўкай кіруючых прынцыпаў
для гэтай структуры. Было вырашана, што Камісія будзе сустракацца тройчы ў год, або
часцей, калі гэтага будуць патрабаваць абставіны. Яе старшынёй з’яўляецца кардынал
Сантас Абрыль-і-Кастэльё. Члены Камісіі кардыналаў прызначаюцца Святым Айцом на тэрмін
пяці гадоў. Яна займаецца агульнай стратэгіяй банку і кантралюе выкананне ім статутных
нормаў.
Святы Айцец абнавіў у сярэдзіне студзеня 2014 г. склад Камісіі. На
дадзены момант яе членамі, разам з новапрызначаным старшынёй, з’яўляюцца: аўстрыйскі
кардынал Крыстаф Шонборн, арцыбіскуп Вены; канадскі кардынал Томас Крыстафер Колінз,
арцыбіскуп Таронта; французскі кардынал Жан-Луі Таран, старшыня Папскай рады па міжрэлігійным
дыялогу, і італьянец, кардынал Пьетра Паралін, Дзяржсакратар Яго Святасці Папы.