Meshë falenderimi për shën Gjonin XXIII në kishën e Shën Karlit në Korso, në Romë
Sot paradite, besimtarët bergamaskë morën pjesë në meshën e falenderimit për shën
Gjonin XXIII, në kishën romake të Shën Karlit në Korso. Pikërisht në këtë kishë, Papa
i ardhshëm Ronkali, u shugurua ipeshkëv më 19 mars 1925. Kremtimi u kryesua nga ipeshkvi
i Bergamos, imzot Françesko Beski, në praninë e kardinalit Tetamanci. Gjatë homelisë,
ipeshkvi falenderoi Papën Françesku për mesazhin, që u drejtoi banorëve të Bergamos,
nga e ka origjinën shenjti i ri. Nënvizoi mesazhin e Papës për ta, ftesën për të ruajtur
traditat fetare, duke iu përgjigjur me guxim ndryshimeve e duke reflektuar mbi të
rejat e kohës, për të vazhduar me bindje udhën e përvijuar nga shën Gjoni XXIII me
Koncilin II të Vatikanit.