Յովհաննէս ԻԳ Երջանկայիշատակ Սրբազան Քահանայապետը։

Յովհաննէս ԻԳ Սրբազան Քահանայապետը ծնած է 25 Նոյեմբեր 1881-ին, Իտալիոյ Պէրկամօ քաղաքին մէջ ։28 Հոկտեմբեր 1958 ին ընտրուած է Տիեզերական Եկեղեցւոյ 261 –րդ Քահանայապետ յաջորդելով Պիոս ԺԲ քահանայապետին։
Իր Քահանայապետութեան ժամանակ, Երջանկայիշատակ Յովհաննէս ԻԳ եղաւ շատ սիրուած քահանայապետ մը, արդարեւ անոր մտահոգիութիւնը եղաւ Հովուական նոր բնոյթ մը տալ իր Քահանայապետութեան, բազմապատկելով հաւատացեալներուն հետ իր յարաբերութիւնը, այցելութիւններ կատարելով ժողովրդապետութիւններ, հիւանդանոցներ եւ բանտերը։
Յովհաննէս ԻԳ քահանայապետին ամենամեծ ներդրումը անկասկած եղաւ ''Վատիկանեան Տիեզերական Երկրորդ ժողովի'' գումարումը, որուն յայտարարութիւնը կատարեց սուրբ Պօղոսի տաճարին մէջ 25 ապրիլ 1959 թուականին.
Յովհաննէս ԻԳ աշխատեցաւ անդադար աշխարհի խաղաղութեան համար ։
1961ին հրաստարակեց mater et Magistra Կոնդակը եւ 1963 ին Pacem in Terris առաքելական յորդորագիրը։1963-ի գարնան ՝ ստացաւ Պալզան Խաղաղութեան մրցանակը եւ նոյն տարուայ 3 Յունիսի երեկոյեան հոգին աւանդեց։
3 սեպտեմբեր 2000 թուականին, Յովհաննէս Պօղոս Բ քահանայապետին օրով երանելի հռչակուեցաւ եւ 27 ապրիլ 2014-ին Երանելի Յովհաննէս Պօղոս Բ քահանայապետին հետ միասին խորաններու պատւոյն կ՛արժանանայ։