I dashur Papa Gjoni, shpirti yt i thjeshtë e i butë përhapte erën e mirë
të Zotit e ndizte në zemra dëshirën për mirësi. Ti flisje shpesh për bukurinë e
familjes, mbledhur rreth sofrës, për të ndarë bashkë bukën e fenë: lutu për ne, që
në shtëpitë tona të banojnë familje të vërteta. Ti, duarplot, mbolle farën e shpresës
e na mësove të dëgjojmë hapin e Zotit, kur kalon mes nesh për të përgatitur njerëzimin
e ri: na ndihmo të jemi optimistë, për ta mundur të keqen me të mirë. Ti e deshe
botën me dritat e hijet e saj, duke besuar se paqja mund të zbresë mbi tokë. Ndihmona
të jemi mjete të paqes në shtëpi e në sheshe. Ti, me ëmbëlsi atërore na le trashëgim
nga një ledhatim për të gjithë fëmijët; mallëngjeve, kështu, mbarë botën e na kujtove
se duart nuk na u dhuruan për të shplakuar, por për të përqafuar e për të tharë lotët.
Lutu për ne, që të mos rrimë duke vajtuar për terrin, që na rrethon, por të ndezim
dritën, duke çuar kudo Jezusin e duke iu lutur përherë Marisë. Amen! Shkruar
nga kardinali Angelo Comastri