Святы Айцец падзякаваў за велікодныя віншаванні ў свой адрас
У канцы агульнай аўдыенцыі
Святы Айцец падзякаваў за святочныя віншаванні, якія надыйшлі да яго з усяго свету
перад урачыстасцю Уваскрасення Хрыста і яго імянінамі. Францішак патлумачыў, што ён
не ў стане асабіста адказаць на ўсе пажаданні, якія прыйшлі на яго адрас ў апошнія
дні. Ён папрасіў далей маліцца ў яго інтэнцыі і за яго служэнне для Касцёла. Папа
нагадаў, што ў наступную нядзелю ў Альба ў П’емонце будзе залічаны да ліку благаслаўлёных
італьянскі дамініканін, айцец Джузэпэ Джыроці, які быў замучаны ў нацысцкім канцлагеры
“Дахау”. Пантыфік выказаў пажаданне, каб яго гераічнае сведчанне хрысціянскай веры
і мучаніцкая смерць узбудзілі ў шматлікіх асобах жаданне ўсё больш і больш набліжацца
да Хрыста і Яго Евангелля. Прычынай дэпартацыі ў “Дахау” будучага благаслаўлёнага
была дапамога пераследаваным яўрэям.