Кардынал Дзяржсакратар пра здзіўляючыя жэсты Францішка для дасягнення міра ў свеце
Ёсць няшмат спраў,
якім Пантыфікі прысвяцілі за апошнія 150 гадоў так шмат увагі, як міру ў свеце. Кожны
з іх рабіў гэта па-свойму, у залежнасці ад гістарычных абставінаў і ўласнай уразлівасці,
заўважыў кардынал Дзяржсакратар Пьетра Паралін у інтэрв’ю, якое выйшла ў толькі што
апублікаванай у Італіі кнізе аб працы Яна XXIII і Яна Паўла II на карысць міра. Спасылаючыся
на тэму кнігі, іерарх нагадаў аб намаганнях першага ў эпоху Карыбскага крызісу, а
таксама шматлікіх выпадках барацьбы за мір, якімі быў адзначаны пантыфікат Яна Паўла
II. Дзяржаўны сакратар запэўніў, што таксама Францішак будзе шмат увагі надаваць міру
ў свеце, асабліва тады, калі ён будзе знаходзіцца ў небяспецы, не асцерагаючыся, што
яго словы будуць выкарыстаны тым ці іншым бокам канфлікту.
Кардынал Паралін
не выключае прысутнасці Папы, часам без папярэджання, у раёнах канфліктаў. “Францішак
будзе кіравацца ўласнай уразлівасцю і ў гэтай плоскасці будзе прадпрымаць эфектыўныя
і, магчыма, здзіўляючыя жэсты, каб людзі пачулі аб яго клопаце пра мір”, - адзначыў
кардынал Дзяржсакратар.