Ռայի Պատրիարք. «Լիբանան կարիքը ունի պարկեշտ, օրինակելի եւ վարքով հզօր նախագահի մը»
Մարոնի համայնքի Պշարա Ռայի պատրիարքը, կիրակիշ 6 ապրիլին, առաւօտեան Պքերքէի շրջափակին
մէջ նախագահեց կիրակի օրուան Ս. պատարագին, որուն ընթացքին ան արտասանեց քարոզ մը` մաղթելով,
որ Լիբանանի նախագահական ընտրութիւնը տեղի կ՛ունենայ սահմանադրութեամբ ճշդուած թուականին: Ան
կոչ ուղղեց երկրին դիմագրաւած ներկայ զգայուն կացութեան ընթացքին հզօրացնելու լիբանանեան
ազգային միասնականութիւնը, ինչպէս նաեւ արաբական երկիրներուն եւ միջազգային ընտանիքին
հետ ամրապնդելու Լիբանանի յարաբերութիւնները: Ռայի պատրիարքը կոչ ուղղեց խորհրդարանի
նախագահ Նեպիհ Պըրրիին խորհրդարանը հրաւիրելու նախագահական ընտրութեան լիագումար նիստի
մը` օրէնսդրական նիստերուն աւարտէն անմիջապէս ետք: «Լիբանան կարիքը ունի պարկեշտ,
օրինակելի եւ վարքով հզօր նախագահի մը, որ կարենայ վերջ տալ փտածութեան եւ հզօրացնել
պետութիւնը», ըսաւ Ռայի պատրիարքը: