Ֆրանչիսկոս Քահանայապետը ընդունեց Լիպերիոյ նախագահը:
Շաբաթ, 5 ապրիլին առաւօտեան, Ֆրանչիսկոս Սրբազան Քահանայապետը, Առաքելական պալատի գրասենեակին
մէջ, ընդունեց Լիպերիոյ նախագահը` Տիկին Էլլեն Ժոնսոն Սիրլիֆը։ Լիպերիոյ նախագահը ապա
հանդիպում ունեցաւ Վատիկանի Պետքարտուղար` կարտինալ Փարոլինի եւ Վատիկանի արտաքին գործոց
նախարար` գերապայծառ Տոմինիք Մամպերթիին հետ։Հանդիպումը տեղի ունեցաւ բարեկամական մթնոլորտի մէջ։ Նկատի առնուեցան Սուրբ Աթոռի եւ Լիպերիոյ միջեւ գոյացած բարի յարաբերութիւնները, ինչպէս նաեւ գոհացուցիչ նկատուեցաւ՝ եկեղեցւոյ դրական գործունէութիւնը ի նպաստ ազգային համերաշխութեան եւ խաղաղութեան նա մանաւանդ ընկերային եւ դաստիարակչական շրջագիծէն ներս։
| All the contents on this site are copyrighted ©. |