Магчыма рэарганізацыя Адміністрацыі маёмасці Апостальскай Сталіцы
Новаствораны Сакратарыят
па эканамічных пытаннях Святога Пасаду і Дзяржавы Ватыкан разглядае магчымасць рэарганізацыі
Адміністрацыі маёмасці Апостальскай Сталіцы (APSA). 5 красавіка 2014 г. было заяўлена
аб прызначэнні прафесара Франка дала Сэга – выкладчыка Каталіцкага ўніверсітэта Найсвяцешага
Сэрца – “спецыяльным кансультантам” Надзвычайнай секцыі Адміністрацыі маёмасці. Як
гаворыцца ў паведамленні Сакратарыяту, на Сэга могуць быць ускладзены пэўныя задачы
і скіравана просьба аб кансультацыі па рэарганізацыі ўзгаданага вышэй ватыканскага
фінансавага ведамства. Гэта звязана з трываючым у гэты час шырокім пераглядам эканамічна-адміністрацыйнай
структуры Святога Пасаду.
Папа Францішак заснаваў Сакратарыят па эканамічных
пытаннях 24 лютага 2014 г. Яго задача заключаецца ў кансалідацыі існуючых ватыканскіх
структур і спрашчэнні кіравання імі. З’яўленне дадзенай структуры – гэта адна з першых
буйных ініцыятыў у рамках рэформы Рымскай курыі.