Тысячы Евангелляў
будуць раздадзены вернікам, якія прыйдуць у бліжэйшую нядзелю, 6 красавіка 2014 г.,
на плошчу св. Пятра. Гэта дар папы Францішка, які неаднаразова заахвочваў пастаянна
насіць з сабой невялікае Евангелле, каб на працягу дня прачытаць фрагмент Божага слова.
Ініцыятыву рэалізуе Апостальская элемазінарыя, якая запрасіла для дапамогі 150 валанцёраў,
семінарыстаў рымскай семінарыі і сясцёр Маці Тэрэзы. Кішэнная кніга надрукавана ў
Ватыканскай тыпаграфіі і змяшчае чатыры Евангеллі і Дзеі апосталаў.