Եգիպտոսի վարչապետը շնորհակալութիւն յայտնած է կաթողիկէ եկեղեցւոյ
Եգիպտոսի վարչապետ Իպրահիմ Մահլապ, ընկերակցութեամբ երկրին կրթութեան նախարար Տիար Մահմուտ
Ապու Նասէրի, չորեքշաբթի, 2 ապրիլին, Եգիպտոսի Տահէր քաղաքին մէջ գտնուող Լա Սալ կոչուած
կաթողիկէ դպրոցը այցելեց ուր Վարչապետը իր ուսմունքը աւարտած է 1967- թուականին։ Եգիպտոսի
վարչապետ Իպրահիմ Մահլապ, իր ուղղած խօսքին մէջ, յիշեց իր կազմաւորման տարիները՝ երախգտագիտութիւն
յատնելով քրիստոնեայ դպրոցներուն եւ գնահատելով անոնց որակը` դաստիարակչական եւ մշակութային
ասպարէզներու ծիրէն ներս։ Խօսքին աւարտին, Ան յատուկ շնորհակալութիւն յայտնեց կաթողիկէ
դաստիարկչական հաստատութիւններուն, եւ անոնց գործունէութեան, ի նպաստ եգիպտացի երիտասարդներուն
կազմաւորումին եւ անոնց զարգացումին։