Քահանայապետական ընկերային հաղորդակցութեան Խորհուրդի
50 ամեակը

Չորեքշաբթի, 2 ապրիլին, կը նշուի Քահանայապետական ընկերային հաղորդակցութեան միջոցներու Խորհուրդի հաստատման 50 ամեակը։
2 Ապրիլ 1964 ին, Պօղոս Զ. երջանկայիշատակ Քահանայապետը, ընդունելով Վատիկանի Տիեզերական Բ ժողովի հայրերու առաջարկը, ''fructibus multis'' ինքնագիրով` հաստատեց ''Ընկերային հաղորդակցութեան միջոցներու Քահանայապետական Խորհուրդը''։
Ըստ՝ ''Պոնուս Փասթոր'' Առաքելական Սահմանադրութեան թիւ 169 կանոնին, վերոյիշեալ խորհուրդը կը զբաղի ''ընկերային հաղորդակցութեան միջոցներու հարցերով, որպէսզի, այդ միջոցներով եւս, փրկչագործութեան պատգամը եւ մարդկային յառաջդիմութիւնը՝ նպաստեն քաղաքակրթութեան զարգացումին''։
27 Յունիս 2007-ին Պենետիկտոս վաստակաւոր Քահանայապետը Գերապայծառ Քլաուտիօ Մարի Չէլլին անուանեց՝ Քահանայապետական ընկերային հաղորդակցութեան խորհուրդին, նախագահ, Ան մինչեւ օրս կը վարէ նոյն պաշտօնը։