Ամենայն Հայոց Կաթողիկոսին շնորհաւորագիրը Ասորի Ուղղափառ Եկեղեցւոյ նորընտիր Պատրիարքին։
Գարեգին Բ Ամենայն Հայոց Կաթողիկոսը հետեւեալ շնորհաւորական ուղերձը յղած է գերերջանիկ Իnգնատիոս Աֆրամ Բ.ին.
«Ձեր ընտրութիւնը վկայութիւնն է Ասորի Ուղղափառ Եկեղեցւոյ մէջ Ձեր նուիրեալ եւ ակներեւ սպասաւորութեան: Լիայոյս ենք, որ Ձեր գահակալութեան ընթացքին Դուք` Ձեզ վստահուած հօտը կ'առաջնորդէք դէպի անվտանգ ու խաղաղ նաւահանգիստ'':
Վեհափառը ապա կը յիշեցնէ որ Հայ Առաքելական եւ Ասորի Ուղղափառ Եկեղեցիներու եղբայրական յարաբերութիւններն ամուր ու խոր արմատներ ունին: ''Մեր երկկողմ համագործակցութիւնն աւելի բեղմնաւոր դարձած է վերջին տասնամեակներուն` մեր Եկեղեցիների առաջնորդների փոխայցելութիւնների, աստուածաբանների միջեւ երկխօսութեան եւ էկումենիկ ջանքերու շնորհիւ: Այսօր մեր մտքերն ուղղուած են Սիրիոյ մէջ խաղաղութեան վերականգնման ի խնդիր։ Լիայոյս ենք, որ Ձերդ Սրբութիւնն իր հայրապետական խնամքը կը տարածէ մեր Եկեղեցւոյ զաւակներու վրայ եւ համատեղ ջանքերու շնորհիւ մենք կը կարողանանք օգնել յաղթահարելու այս ճգնաժամը, վերջ դնելու բռնութեան եւ վերականգնելու խաղաղութիւնը տարածաշրջանին մէջ'':
| All the contents on this site are copyrighted ©. |