Сакрамэнт сужэнства
вядзе нас да самага сэрца Божага плану, які з’яўляецца Яго планам саюза са сваім народам,
планам адзінства, адзначыў папа Францішак падчас агульнай аўдыенцыі 2 красавіка 2014
г. Сакрамэнту сужэнства Святы Айцец прысвяціў сённяшнюю катэхезу – апошнюю з цыкла
прысвечанага сямі сакрамэнтам. Пантыфік нагадаў, што на заканчэнне біблійнага апавядання
пра стварэнне гаворыцца: “І стварыў Бог чалавека паводле свайго вобразу, паводле Божага
вобразу стварыў яго, стварыў мужчыну і жанчыну; Таму чалавек пакіне свайго бацьку
і маці і прылепіцца да сваёй жонкі, і стануць яны адным целам” (Быц 1,27; 2,24). “Вобраз
Божы, гэта сужэнская пара, мужчына і жанчына, абодва, а не толькі мужчына і не толькі
жанчына. Абодва! І гэты вобраз Божы, любоў, саюз Бога з намі, прысутны тут, прадстаўлены
ў саюзе паміж мужчынам і жанчынай. І гэта цудоўна! Мы створаны, каб любіць, як алюстраванне
Бога і яго любові”, - сказаў Папа.
Францішак патлумачыў, што, калі мужчына
і жанчына злучаюцца сакрамэнтам сужэнства, сам Бог адлюстроўваецца ў іх: накладае
на іх адбітак уласнай асаблівасці і непарушны характар сваёй любові, таму што сам
з’яўляецца адзінствам трох асобаў – Айца, Сына і Духа Святога, Якія спрадвеку і заўсёды
жывуць у дасканалай еднасці. У гэтым таямніца сужэнства – яно чыніць з двух сужонкаў
адно існаванне, якое Біблія называе “адным целам”, адзначыў Пантыфік.
Святы
Айцец нагадаў, што святы Павел параўноўвывае саюз хрысціянскіх сужонкаў з адносінамі,
якія існуюць паміж Хрыстом і Касцёлам, Яго нявестай. “Сужонкі, на самой справе,
сілай сакрамэнта, уключаюцца ў сапраўдную і ўласную місію, таму што нават простымі
і звычайнымі рэчамі могуць зрабіць бачнай любоў, якой Хрыстус любіць Касцёл, працягваючы
дарыць жыццё для яго, у вернасці і служэнні”, - сказаў Папа.
Францішак адзначыў,
што Божая задума адносна сакрамэнту сужэнства спаўняецца нават у складаных сітуацыях,
якія часта здараюцца ў сужэнскім жыцці. Тут важна захоўваць жывой сувязь з Богам,
якая з’яўляецца фундаментам сужэнскай сувязі, сказаў Папа. “Калі сям’я моліцца, сувязь
захоўвацца. Калі муж моліцца за жонку і жонка моліцца за мужа, гэта сувязь умацоўваецца”,
- сказаў Папа.
Пантыфік пагадзіўся, што ў сямейным жыцці часта здараюцца праблемы,
звязаныя з дзецьмі, працай ці недахопам грошай. Па гэтай прычыне сужонкі нярэдка сварацца
і часам нават дома “лятаюць талеркі”. Перад абліччам такіх сітуацый Папа чарговы раз
параіў ніколі не заканчваць дзень не памірыўшыся. “Каб памірыцца не абавязкова звяртацца
да ААН, каб прыбыла ў дом і ўсталявала мір! Дастаткова маленькага жэсту, пяшчоты”,
- з гумараў параіў Святы Айцец і нагадаў пра тры галоўныя словы, якія павінны абавязкова
прысутнічаць у сужэнскім жыцці: “дазволь”, “дзякуй” і “прабач”.
Напрыканцы
аўдыенцыі Пантыфік традыцыйна звярнуўся да моладзі, хворых і маладых сужонкаў. Ён
нагадаў, што 2 красавіка Каталіцкі Касцёл адзначае ўспамін св. Францішка з Паолы,
пустэльніка. Ён заклікаў вучыцца ў яго таму, што пакора – гэта сіла, а не слабасць,
што трэба нястомна прасіць дапамогі ў Пана, паважаць адно аднаго і аказваць узаемную
падтрымку.