Ֆրանչիսկոս Քահանայապետի ''Հռոմի Քուրիայի'' հետ հանդիպումը։

Ֆրանչիսկոս Քահանայապետը երկրորդ անգամուայ համար հանդիպեցաւ Վատիկանի Վերին իշխանութեան պատասխանատուներուն հետ` խորհրդածելու համար ''Աւետարանի Ուրախութիւնը'' առաքելական յորդորագիրի մասին։
Երեքշաբթի մէկ ապրիլի առաւօտեան ժամը 9,30-ին, Ֆրանչիսկոս Սրբազան Քահանայապետը, Վատիկանի Պոլոնիա Սրահին մէջ հանդիպում ունեցաւ Վատիկանի Վերին Իշխանութեան պատասխանատուներուն հետ միասնաբար խորհրդածելու համար ''Աւետարանի Ուրախութիւնը'' առաքելական յորդորագիրի ու անոր ազդեցութեան մասին ''Հռոմի Քուրիայի'' աշխատանքին վրայ։
Յայտնենք որ Ֆրանչիսկոս Քահանայապետը Հռոմի Քուրիայի հետ առաջին անգամ հանդիպած էր անցեալ 10 սեպտեմբերին։ Ան ստեղծած է Կարտինալական յատուկ խորհուրդ մը վերատեսելու համար Սուրբ Աթոռի սահմանադրութիւնն ու վերին իշխանութեան զանազան ժողովներու եւ խորհուրդներու պարտականութիւններն ու գործունէութիւնը։