Папа Францішак запісаў
гутарку з маладымі бельгійцамі на тэму душпастырства моладзі і выклікаў, якія стаяць
перад новымі пакаленнямі, паведаміў партал “Il sismografo”. Трох маладых фламандцаў
Пантыфіку прадставіў біскуп Лукас ван Лой. Размова ішла пра моладзевае душпастырства
ў бельгійскай дыяцэзіі Гент, якой кіруе іерарх, і на ўзроўні ўсяго Каталіцкага Касцёла.
Як было адзначана, інтэрв’ю накіравана да пэўнай групы вернікаў, і мае характар падобны
да нядаўняга выступлення Святога Айца для аргентынскага “радыё для бедных”. Магчыма,
што змест размовы будзе распаўсюджаны перад Пальмовай нядзеляй, калі ў дыцэзіях па
ўсім свеце традыцыйна пройдзе Дзень моладзі.
Некалькі тыдняў таму Папа даў
інтэрв’ю радыё “Bajo Flores”, якое вяшчае ў бедных кварталах Буэнас-Айрэса. Пантыфіку
было зададзена дванаццаць пытанняў адносна прысутнасці Касцёла сярод бедных і маргіналізаваных.