മഡഗാസ്ക്കറിലെ മെത്രാന്മാര് ‘ആദ് ലീമിന’ സന്ദര്ശനം ആരംഭിച്ചു
27 മാര്ച്ച് 2014, വത്തിക്കാന് മഡഗാസ്ക്കറിലെ മെത്രാന്മാരുടെ Ad Limina ഔദ്യോഗിക
സന്ദര്ശനം ആരംഭിച്ചു. മാര്ച്ച് 27 വ്യാഴാഴ്ച മുതല് 29-ശനിയാഴ്ച വരെയാണ് ആഫ്രിക്കന്
തീര രാജ്യമായ മഡഗാസ്ക്കറിലെ മെത്രാന്മാരുടെ പാപ്പാ ഫ്രാന്സിസുമായുള്ള ഔദ്യോഗിക കൂടിക്കാഴ്ച
വത്തിക്കാനില് നടന്നത്.
രണ്ടു കോടിയോളം വരുന്ന ജനസംഖ്യയുടെ 3 ശതമാനം കത്തോലിക്കരാണ്
മഡഗാസ്ക്കറില്. 5 മെട്രൊപ്പൊളീറ്റന് പ്രവിശ്യകളുടെ 17 രൂപതകളിലായി സഭ വ്യാപിച്ചു
കിടക്കുന്നു. ഫ്രഞ്ച് അധിനിവേശത്തിലായിരുന്ന മഡഗാസ്ക്കറില് 15-ാം നൂറ്റാണ്ടില് ഫ്രാന്സില്നിന്നെത്തിയ
മിഷണറിമാരാണ് വിശ്വാസത്തിന്റെ വിത്തു മുളപ്പിച്ചത്. മാറിയുംമറിഞ്ഞും വന്ന സാമൂഹ്യ-രാഷ്ട്രീയാന്തരീക്ഷത്തില്
തുടര്ന്ന് ഈശോ സഭാംഗങ്ങള്, വിന്സെന്ഷ്യന് സഭാംഗങ്ങള്, ഡൊമിനിക്കന് മഷണറിമാര്,
സലീഷ്യന് സഭാംഗങ്ങള് എന്നിവരും മഡഗാസ്ക്കറിന്റെ മിഷണറിമാരായി.
1959-ല് ഭരണഘടന
പ്രഖ്യാപിച്ച മതസ്വാതന്ത്ര്യലബ്ധിക്കു ശേഷമാണ് തദ്ദേശസഭ വളരുകയും പ്രാദേശിക സഭകളില്നിന്നും
ദൈവവിളി ലഭിക്കുവാന് തുടങ്ങിയത്. കലുഷിതവും അസ്ഥിരവുമായ രാഷ്ട്രീയാന്തരീക്ഷത്തില് ബഹുഭൂരിപക്ഷം
പാവങ്ങളുള്ള മഡഗാസ്ക്കറില് പാപ്പാ ഫ്രാന്സിസ് വിഭാവനംചെയ്യുന്ന ‘പാവങ്ങള്ക്കായുള്ള
പാവപ്പെട്ട സഭ’യെ നയിക്കുക ഇന്നും തദ്ദേശ പ്രേഷിതനേതൃത്വത്തിന്റെ വെല്ലുവിളിയാണ്.