Գերյ. Հ. Եղիա Ծ. Վրդ. Եղիայեանի Քահանայական ձեռնադրութեան 40-ամեակը

Երեքշաբթի 25 Մարտ 2014-ին, Ս. Աստուածածնայ Աւետման Տօնին զուգահեռ, Զմմառու Մայրավանքին մէջ կէսօրուայ ժամուն, Զմմառու Պատրիարքական Միաբանութեան Վարչական Խորհուրդը եղբայրական ջերմ մթնոլորտի մէջ տօնախմբեց Գերյ. Հ. Եղիա Ծ. Վրդ. Եղիայեանի Քահանայական ձեռնադրութեան 40-ամեակը: Միաբան Հայրեր սրտաբուխ խօսքեր արտասանեցին Հ. Եղիային, մաղթելով քաջառողջութիւն և երկար կեանք իր առաքելական կեանքի ընթացքին: Հ. Եղիան իր կարգին խորապէս յուզուած սրտի խօսք ուղղեց և շնորհակալութիւն յայտնեց այս մտերիմ ու ջերմ մթնոլորտին համար, որ անակնկալ մը եղաւ իրեն համար։