Папа Францішак падтрымаў
духоўную акцыю, прысвечаную сакрамэнту пакаяння. 28 сакавіка 2014 г. увечары ён узначаліць
у базыліцы св. Пятра пакутнае набажэнства, падчас якога асабіста паспавядае некалькі
вернікаў. Яно дасць пачатак ініцыятыве “24 гадзіны для Пана”, якую прапанавала Папская
рада па новай евангелізацыі. Пасля набажэнства ў ватыканскай базыліцы ў трох цэнтральных
рымскіх касцёлах – св. Агнешкі, Найсвяцейшай Марыі Панны на Трастэвэрэ і Найсвяцейшых
Ран Езуса – бесперапынна на працягу сутак у вернікаў будзе магчымасць прыступіць
да сакрамэнту споведзі. У мінулую нядзелю пасля малітвы “Анёл Панскі” папа Францішак
выказаў спадзяванне, што ініцыятыва стане сапраўдным “святам прабачэння”, паколькі
яе падтрымаюць у многіх дыяцэзій і парафіях па ўсім свеце.