''Լէճօ Մարիէ – Մարիամի Լէկիոն'' Մարեմեան շարժումը կը ճանչցուի որպէս եկեղեցական ''հաւատացեալներու ընկերակցութիւն''։

Հինգշաբթի, 27 մարտ 2014ին, Աշխարհականներու Քահանայապետական Խորհուրդի քարտուղար` Գերապայծառ Ժոզէֆ Քլէմէնս ներկայացուց ''Լէճօ Մարիէ – Մարիամի Լէկիոն'' շարժումի` Սուրբ Աթոռի կողմանէ ճանաչման՝ վաւերագիրը։
''Լէճօ Մարիէ – Մարիամի Լէկիոն'' շարժումը ծնունդ առած է Իրալնտայի Տուպլին քաղաքին մէջ, 1921 թուականին, հաւատացեալներու փոքրիկ խմբակէ մը առաջնորդութեամբ Ֆրանք Տաֆի, որ Ֆինանսական նախարարութեան մէջ պաշտօնեայ մըն էր, եւ որ ապա վարած է Իրլանտայի պաշտպանութեան նախարարին քարտուղարի պաշտօնը։
93 տարիներու ընթացքին Լէճօ Մարիէ ընկերակցութիւնը աճ արձանագրած է աշխհարի զանազան երկիրներուն մէջ իր առաքելութիւնը հիմնելով Մարեմեան հոգեւորականութեան վրայ։ Լէճօ Մարիէ ընկերակցութեան առաջնակարգ նպատակն է, զօրակցիլ եւ մասնկացիլ եկեղեցւոյ առաքելութեան՝ ծառայելով կարիքաւորներուն եւ անոնց որոնք հեռացած են իրենց հաւատքէն։