ԱՄՆի նախագահ Օպամայի այցելութիւնը ֆրանչիսկոս Քահանայապետին։

ֆրանչիսկոս Քահանայապետը, հինգշաբթի, 27 մարտին առաւօտեան, ժամը 10.30-ին իր գրասենեակին մէջ կ'ընդունի ԱՄՆի նախագահ Օպամա։ Այս առաջին անգամն է որ Միացեալ նահանգներու ներկայ նախագահը հանդիպում կ'ունենայ Սրբազան Քահանայապետին հետ։
Իտալիա կատարած այցելութեան ընթացքին ԱՄՆի նախագահը հանդիպում կ'ունենայ Իտալիոյ հանրապետութեան նախագահ Նափոլիթանոյի եւ նախարարապետ Մաթթէօ Ռենցիի հետ։
24 եւ 25 մարտին, ԱՄՆի նախագահը Հոլլանտայի մէջ միջուկային անվտանգութեան վեհաժողովին մասնակցեցաւ։ Նախապէս ան Պրիւքսելի մէջ մասնակցեցաւ ԱՄՆ-Եւրոպայի Միութիւն վեհաժողովին։ Նոյնպէս հանդիպում ունեցաւ Պելկիայի կառավարութեան անդամներուն եւ Ատլանտեան ուխտի ընդհանուր քարտուղար Ռազմուսին հետ։