Гватэмальскія сем’і атрымалі дамы, пабудаваныя за кошт сродкаў з папскіх фондаў
Капліцу ў мясцовасці
Куілапа і дамы для 19 сем’яў у дэпартаменце Санта-Роса падчас візіту ў Гватэмалу перадаў
мясцоваму насельніцтву кардынала Рабер Сара. Старшыня Папскай рады “Cor Unum”, якая
займаецца між іншым кіраваннем і каардынаваннем дзейнасці дабрачынных фондаў Святога
Пасаду, знаходзіцца з трохдзённым візітам у цэнтральнаамерыканскай краіне. Сем’і,
якія атрымалі новыя дамы, засталіся без прытулку пасля ўрагану і трагічных паводак,
якія абрынуліся на рэгіён у 2011 г. Праект будынкаў і іх пабудова фінансаваліся за
кошт сродкаў з папскіх фондаў адразу пасля катастрофы.
Іерарх выказаў духоўную
блізкасць да ўсіх ахвяр гэтых стыхійных бедстваў, якія ўсё яшчэ змагаюцца з аднаўленнем
сваіх гарадоў і вёсак. Ён таксама сустрэўся з прадстаўнікамі мясцовай “Caritas” і
наведаў пансіянат, дзе маладыя людзі атрымліваюць касцёльныя стыпендыі і поўную адукацыю
да дасягнення імі паўналецця.
Гватэмала з’яўляецца адной з краін Цэнтральнай
Амерыкі, якія, у сілу свайго геаграфічнага размяшчэння часта пакутуюць ад розных відаў
стыхійных бедстваў. Яны ўяўляюць сабой сур’ёзную пагрозу для насельніцтва і выклікаюць
значныя сацыяльна-эканамічныя наступствы, галоўнымі ахвярамі якіх у асноўным з’яўляюцца
бедныя людзі.