«Արմին Վեկները եւ Անատոլիայի Հայերը 1915թ.» խորագիրով ցուցահանդէսը Իտալիոյ մէջ։
Իտալա-գերմանական «Վիչենցի» մշակութային կեդրոնը, Հայաստանի դեսպանատան եւ Իտալիոյ հայերու
միութեան հետ համագործակցութեամբ, կազմակերպած է «Արմին Վեկները եւ Անատոլիայի հայերը
1915թ.» խորագիրով ցուցահանդէս մը, որուն ներկայացուած են գերմանացի գրող եւ իրաւապաշտպան
Արմին Վեկների` Հայոց Ցեղասպանութիւնը փաստող լուսանկարները: Այս մասին, ըստ News.am-ի,
կը գրէ «Nouvelles d`Armnnie»-ն: 1915թ. սանիտարական ծառայութեան գերմանացի երիտասարդ
սպայ Արմին Վեկները, որ կը ծառայէր Օսմանեան կայսրութեան գերմանական ստորաբաժանումին
մէջ, դարձած էր երիտթուրքերու կողմէ իրականացած Հայոց Ցեղասպանութեան ականատեսը: Ան
կատարած է հարիւրաւոր լուսանկարներ` փորձելով ողբերգական իրականութիւնը ներկայացնել գերմանական
հանրութեան: Վեկները նաեւ դիմած էր ԱՄՆ-ի նախագահ Ուտրօ Ուիլսընին` խնդրելով օգնել
հայերուն: