Նախապատրաստութիւններ Յովհաննէս ԻԳ եւ Յովհաննէս Պօղոս Բ երանելիներու սրբադասման ի
տես։
Յառաջիկայ Ապրիլ 27-ին, Սուրբ Պետրոսի հրապարակի վրայ տեղի պիտի ունենայ, Երանելի Յովհաննէս
ԻԳ եւ երանելի Յովհաննէս Պօղոս Բ քահանայապետներու սրբադասման արարողութիւնը որուն կը
նախատեսուի միլինաւոր հաւատացեալներու մասնակցութիւնը։ Այս առթիւ Քահանայապետական
Տան վարչութիւնը յայտարարած է թէ բոլոր անոնք որ փափաք ունին մասնակցիլ սրբադասման արարողութեան
ազատօրէն կրնան ժամանել Սուրբ Պետրոսի հրապարակ, առանց որեւէ տոմսակի հարկաւորութեան։
Քահանայապետական Տան վարչութիւնը զգուշացուցած է հաւատացեալները ''խաբէութիւններէ''
կամ տոմսեր վաճառողներէ, հաստատելով թէ արարողութիւնը բաց է բոլորին եւ թէ ընդհանրապէս
Վատիկանի մէջ կայացած արարողութիւններու տոմսերը ձրի են։ Շատ սիրուած այս երկու Քահանայապետերու
սրբադասումը մեծ խանդավառութիւն յարուցած է աշխարհի հաւատացեալներուն մօտ եւ մասնաւորապէս
երիտասարդներուն մօտ։ Սրբադասումի արարողութեան նախօրեակին` 26 ապրիլի յետմիջօրէին, աղօթքի
հսկում մը կազմակերպուած է Հռոմի գլխաւոր եկեղեցիներու մէջ ի պատրաստութիւն սրբադասման
արարողութեան։