Ֆրանչիսկոս Քահանայապետի Սուրբ Երկիր կատարելիք առաքելական ճամբորդութեան կարգախօսը`
''Որպէսզի ամէնքը մի ըլլան''։
Յառաջիկայ 24-26 մայիս, Ֆրանչիսկոս Քահանայապետը, առաքելական ճամբորդութիւն պիտի կատարէ
Սուրբ Երկրիր։ Ճամբորդութեան կարեւոր հանգրուաններն են համամիութենական աղօթք Ս. Թաղման
տաճարին մէջ, ներկայութեամբ Կ.Պոլսոյ Պատրիարք Բարդողոմիոս Ա.-ին, ինչպէս նաեւ ընթրիք
մը սուրիացի գաղթականներուն հետ։ Երեք օր տեւող հակիրճ ճամբորդութիւնը պիտի ընդգրկէ Յորդանանը,
Իսրայէլն ու Պաղեստինը։ Ճամբորդութեան կարգախօսն է ''որպէսզի ամէնքը մի ըլլան''։
Յայտնենք որ վերոյիշեալ ճամբորդութիւնը տեղի պիտի ունենայ 50 տարիներ առաջ տեղի ունեցած
պատմական հանդիպումի տարեդարձին առթիւ ։ Արդարեւ 50 տարի առաջ, 4-6 յունուար 1964, Պօղոս
Զ Քահանայապետը առաքելական ճամբորդութիւն մը կատարած էր Ս. Երկրին ու պատմական հանդիպում
ունեցած էր Կ.Պոլսոյ Աթենակորաս պատրիարքին հետ, որպէս նշան թէ կաթողիկէ եկեղեցւոյ կամքն
է վերջ դնել անցեալի թշնամութեան ու անտարբերութեան եւ երկխօսութեան նոր դարաշրջան մը
բանալ։ Հանդիպումը տեղի ունեցած էր հոն ուր Քրիստոսի փառաւորեալ խաչը բարձրացաւ` Երուսաղէմի
մէջ։