Апостальская Сталіца і Аль-Азхар будуць разам змагацца з сучасным рабствам
Святы Пасад і ісламскі
ўніверсітэт Аль-Азхар аб’ядналі свае высілкі супраць гандлю людзьмі і сучаснага рабства.
Як паведаміла Зала Друку, прадстаўнікі Ватыкана і каірскай навучальнай установы прэзентуюць
17 сакавіка 2014 г. у Рыме сумесны праект пад назвай “Global Freedom Network” (Глабальная
свабодная сетка). Супрацоўніцтва варта разглядаць як яшчэ адзін крок у збліжэнні паміж
Апостальскай Сталіцай і егіпецкім універсітэтам Аль-Азхар, самай аўтарытэтнай навучальнай
установай у суніцкім ісламе.
Рэгулярныя перамовы паміж двума бакамі з ініцыятывы
мусульманаў былі перапынены тры гады таму пасля выступлення Бэнэдыкта XVI, які паскардзіўся
на атмасферу рэлігійнай нецярпімасці ў Егіпце пасля сур’ёзнага нападу на копцкі храм
падчас правядзення там літургіі ў пачатку 2011 г. У апошні час з’явіліся прыкметы
збліжэння з боку кіраўніцтва ўніверсітэта.
У прэс-канферэнцыі ў бліжэйшы панядзелак
возьмуць удзел біскуп Марсэла Санчэс Саронда, канцлер Папскай акадэміі навук, навуковец
і эксперт Махмуд Азаб, які будзе прадстаўляць вялікага імама Аль-Азхар, англіканскі
епіскап Дэвід Джон Моксан і заснавальнік “Walk Free Foundation”, якая змагаецца з
сучасным рабствам, Эндру Форэст.