ՆԻՒ ԵՈՐՔ, «Էյ.Փի.».- Մենհեթընի Հարլըմ շրջանին մէջ Չորեքշաբթի, Մարտ 12ին տեղի ունեցած
ուժգին պայթում մը եւ անոր պաճտառով յառաջացած հրդեհը առնուազն երկու զոհ եւ 22 վիրաւորներ
պատճառեցին: Վիրաւորներէն առնուազն երկուքը ծանր վիճակի մէջ կը գտնուին: Պայթումին հետեւանքով
քանդուած են երկու շէնքեր, որոնց փլատակներուն տակ վերապրողներ գտնելու աշխատանքը կը
շարունակուի: Կը կարծուի, որ պայթումը պատահած է բնական կազի արտահոսքի հետեւանքով: