Папа адзначыў каштоўнасць прыкладу жыцця былога кіраўніка “Opus Dei”
Папа Францішак указаў
на каштоўны прыклад жыцця іспанскага біскупа Альвара дэль Парцільё, паплечніка св.
Хасэмарыі Эксрывы і яго наступніка на пасадзе кіраўніка Персанальнай прэлатуры “Opus
Dei” у перыяд з 1975 г. па 1994 г. 27 верасня 2014 г. іерарх будзе абвешчаны благаслаўлёным.
Форум з нагоды 100-годдзя яго нараджэння праходзіць 12-14 сакавіка ў Папскім універсітэце
Святога Крыжа, які заснаваў сам біскуп дэль Парцільё. У прывітальнай тэлеграме, якую
папа Францішак скіраваў за подпісам кардынала Дзяржсакратара Пьетра Параліна, біскуп
дэль Парцільё названы “дбайным святаром”, які здолеў спалучыць “інтэнсіўнае духоўнае
жыццё”, заснаванае на вернай адданасці Хрысту, з “шчодрай апостальскай дзейнасцю”.
Адзначаецца, што, несучы Евангелле, іерарх стаў сапраўдным пілігрымам, які наведаў
пяць кантынентаў. “Яго Святасць заклікае наследаваць яго пакорнае, радаснае, сціплае
і ціхае жыццё, але таксама рашучасць у сведчанні пастаяннай навізны Евангелля”, -
гаворыцца ў тэлеграме.
Біскуп Альвара дэль Парцільё быў кансультантам розных
дыкатэрый Апостальскай Сталіцы. Ён прымаў удзел у ІІ Ватыканскім Саборы як старшыня
Камісіі па справах свецкіх, а затым, як сакратар Камісіі па справах духавенства і
ўдзельнік камісіі, якая займалася пераглядам Кодэкса Кананічнага Права Каталіцкага
Касцёла.