Թուրքիոյ մէջ հակակառավարական ցոյցեր եւ ոստիկաններու հետ բախումներ տեղի ունեցած են
Անգարայի, Սթամպուլի, Անթալիոյ եւ Թուրքիոյ շարք մը այլ քաղաքներու մէջ ամբողջ գիշեր
հակակառավարական ցոյցեր տեղի ունեցած ենբ: Պատճառը 15-ամեայ դեռահաս Պերքին Էլվանի մահն
է: Այս մասին կը հաղորդէ yerkirmedia.am-ը: Անցեալ տարի ամրան Կեզի զբօսայիի պահպանման
աջակցող ցոյցերու ժամանակ ան ան գլուխէն վիրաւորուած էր: Էլվանը ոստիկաններու եւ ցուցարարներու
միջեւ բախումներու կիզակէտին պատահաբար յայտնուած էր. խանութ երթալու ճանապարհին ոստիկաններու
արձակած արցունքաբեր կազի սրուակներէն մէկը դպած էր անոր գլխուն: Տղան 269 օր մնացած
է քոմայի մէջ եւ՝ մահացած: Անգարայիեւ Սթամպուլի մէջ բողոքի ցոյցերը ցուցարարներու
եւ ոստիկաններու միջեւ բախումներու վերածուած են: Ցոյցներուն մասնակիցները պահանջած են
վարչապետ Ռեճեփ Էրտողանի եւ նախարարներու հրաժարականը, այրած են Էրտողանի լուսանկարով
նախընտրական պաստառը: Իրաւապահները ամբոխը ցրուելու համար կազային նռնակներ եւ ջրցան
մեքենաներ կիրառած են: “Հիւրիէթ տէյլի նիւզը” կը յայտնէ, որ միայն Սթամպուլի մէջ առնուազն
45 ձերբակալուած կայ: