Աղեքսանդրիոյ հայ կաթողիկէ թեմի առաջնորդ արհի. տէր Օգոստինոս եպս. Գուսա հովուական պատգամ
մը կ'ուղղէ հաւատացեալներուն Քառասնորդացի առիթով: Գերապայծառ Տէրը իր պատգամին մէջ կ'ընդգծէ
ծոմի կարեւորութիւնը քրիստոնեայ անհատի կեանքին մէջ, զայն համարելով որպէս վերածնունդի
հրաւէր մը, որ կ'իրագործուի ապաշխարութեամբ եւ զղջումով: Ան նաեւ կը յիշէ Սուրբ Հոգին,
որ միշտ ներկայ է իւրաքանչիւրի կեանքին մէջ, եւ զինք կ՚ուղղէ դէպի ապաշխարութիւն ու
ետդարձ, որոնք պայման են ծոմի շրջանին: Իր պատգամի աւարտին, գերապայծառ տէրը կը հաստատէ
ծոմապահութեան խոր իմաստը. վերադառնալ մեր խղճին՝ զղջումով ու խոստովանելով, հաշտուելու
համար Աստուծոյ եւ մարդոց հետ: