ՀՀ Նախագահի շնորհաւորական ուղերձը կանանց տօնին առիթով։
''Հայաստանի բոլոր յաջողութիւնները հնարաւոր դարձած են կանանց ամենաաշխոյժ ներգրաւման
շնորհիւ''. ՀՀ նախագահ Սերժ Սարգսեան շնորհաւորական ուղերձ յղած է Կանանց
տօնին առիթով: Ուղերձին մէջ նշուած է. «Սիրելի՛ կանայք, Ջերմօրէն շնորհաւորում եմ
ձեզ Կանանց տօնի կապակցութեամբ: Այսօր բոլորս յայտնում ենք ձեզ մեր սէրն ու յարգանքը`
քաջ գիտակցելով, որ ձեր հանդէպ հոգատարութիւնը երբեք չպէտք է սահմանափակուի միայն այս
օրով: Հայաստանի բոլոր յաջողութիւնները հնարաւոր են դարձել ամուր ընտանեկան արժէքների
եւ հանրային կեանքի բոլոր բնագաւառներում կանանց ամենաաշխոյժ ներգրաւման շնորհիւ: Անգնահատելի
է այն դերը, որ կանայք կատարում են մեր հասարակութեան մէջ: Վստահ եմ` կանանց ներգրաւուածութիւնը
շարունակելու է աճել եւ նպաստել Հայաստանի զարգացմանն ու հզօրացմանը: Մեր մայրերին,
տիկնանց, քոյրերին եւ դուստրերին մաղթում եմ անսահման սէր, երջանկութիւն, ամուր յենարաններ
կեանքում եւ նորանոր յաջողութիւններ` ի բարօրութիւն մեր ընտանիքների եւ ի շահ մեր հայրենիքի: