“Мае ўспаміны пра
Яна Паўла ІІ поўныя ўдзячнасці”, - прызнаўся Бэнэдыкт XVI. Ён адзначыў, што ніколі
не імкнуўся пераймаць паводзіны свайго папярэдніка, а толькі развіваць яго спадчыну
і працягваць яго дзейнасць найлепшым чынам. Сваімі разважаннямі Папа на пенсіі падзяліўся
ў інтэрв’ю для кнігі “Побач з Янам Паўлам ІІ” італьянскага выдавецтва “Edizioni Ares”,
у якой былі сабраны ўспаміны паплечнікаў і сяброў благаслаўлёнага Пантыфіка. Бэнэдыкт
XVI расказаў, што лічыў Яна Паўла II святым яшчэ будучы яго блізкім супрацоўнікам,
а з цягам часу гэта перакананасць у ім працягвае ўмацоўвацца. “Я упэўнены, што яшчэ
сёння яго дабрыня мяне суправаджае, а благаслаўленне абараняе”, - сказаў Папа на пенсіі.
На
думку Бэнэдыкта XVI, Ян Павел ІІ ніколі не шукаў пахвалы і апладысментаў і не аглядаўся
навокал, каб паглядзець, як будуць прымацца яго рашэнні. Ён дзейнічаў паводле сваёй
веры і перакананняў, а таксама быў гатовы да крытыкі. Паводле Бэнэдыкта XVI, такая
мужнасць перад абліччам праўды, з’яўляецца першасным крытэрыем святасці.