Папа Францішак адправіцца
на велікапостныя рэкалекцыі на аўтобусе, разам з іншымі ватыканскімі іерархамі. Пантыфік
вырашыў правесці час духоўных практыкаванняў па-за мурамі Ватыкана – у мястэчку Арыча,
прыкладна ў 30 км ад Рыма, недалека ад летняй рэзідэнцыі Рымскім Пантыфікаў у Кастэль-Гандольфа.
Яго папярэднікі, для перамяшчэння на такія дыстанцыі, звычайна карысталіся верталётам.
Рэкалекцыі адбудуцца ў “Доме Боскага Настаўніка”, якім апякуюцца святары з Супольнасці
св. Паўла. Яны будуць прысвечаны тэме “ачышчэння сэрца”, а правядзе іх кс. Анджэла
Дэ Данаціс, пробашч рымскай парафіі св. Марка Евангеліста. У праграме духоўных практыкаванняў
прадугледжаны: малітва, медытацыі і разважанні, а таксама штодзённая Эўхарыстыя. Папа
разам з іншымі супрацоўнікамі Рымскай курыі пакінуць Ватыкан вечарам 9 сакавіка 2014
г. Працягнуцца рэкалекцыі да раніцы 14 сакавіка.