Кардынал Жан-Батыст
Фам Мінь Ман, з 1998 г. арцыбіскуп Хашыміну ў В’етнаме, 5 сакавіка 2014 г. адзначыць
80-гадовы юбілей і, такім чынам, выйдзе з групы патэнцыйных выбаршчыкаў Папы. У канцы
мінулага верасня Францішак прызначыў яму каад’ютара. Біскуп Пауль Буй Ван Док павінен
сведчыць дапамогу кардыналу і аўтаматычна стаць яго пераемнікам пасля яго адстаўкі.
Архідыяцэзія Хашымін налічвае амаль 700 тыс. католікаў. З 218 членаў Калегіі кардыналаў
121 у цяперашні час не перакрочыў 80-гадовага ўзросту, і, такім чынам, мае права на
ўдзел у канклаве.
З канца вайны ў В’етнаме ў 1975 г. Святы Пасад і паўднёваазіяцкая
краіна не маюць дыпламатычных адносін. Тым не менш, у апошнія гады двухбаковыя кантакты
былі актывізаваны на розных узроўнях. Але біскупскія прызначэнні ў Сацыялістычнай
Рэспубліцы В’етнам па-ранейшаму адбываюцца з вялікімі цяжкасцямі. Як правіла, яны
з’яўляюцца вынікам складаных перамоваў паміж Апостальскай Сталіцай і ўладамі краіны,
а таксама карпатлівага пошуку кампраміснага кандыдата. Так было і ў выпадку кардынала
Фам. Яго біскупскай сакры ў 1998 г. папярэднічалі працяглыя размовы паміж Святым Пасадам
і ўрадам аб прызначэнні пастыра галоўнай біскупскай кафедры ў В’етнаме.