Kardinali Abril y Castellò, kryetar i ri i Komisionit kardinalor të IOR-it
Anëtarët e Komisionit kardinalor të IOR-it (Instituti për Veprat Fetare) emëruan sot
kardinalin Santos Abril y Castellò në detyrën e kryetarit. Në bazë të Statutit, kujton
komunikata e Sallës së Shtypit, anëtarët e Komisionit emërohen nga Papa për një periudhë
5-vjeçare. Kryetari ka për detyrë t’i mbledhë të paktën dy herë në vit për të shqyrtuar
strategjitë dhe proceset ekonomike brenda IOR-it. Komisioni vigjëlon mbi besnikërinë
ndaj Statutit dhe emëron anëtarët e Këshillimit Mbikqyrës. Aktualisht ai përbëhet
nga kardinajtë: Santos Abril y Castelló(kryeprift i Bazilikës papnore të Zojës së
Madhe), Thomas Christopher Collins (kryeipeshkëv i Torontos), Pietro Parolin (Sekretar
i Shtetit), Christoph Schonborn (kryeipeshkëv i Vienës) e Jean-Louis Tauran (kryetar
i Këshillit Papnor për Dialogun Ndërfetar).