Deklaratë e Këshillit Botëror të Kishave për krizën në Ukrainë
Sekretari i Përgjithshëm i Këshillit Botëror të Kishave, rev. Olav Fykse Tveit, shprehu
dje shqetësimin e tij të thellë për ngjarjet në Ukrainë. Foli për rrezikun e madh
mbi kryet e të pafajshmëve dhe për mundësinë që ashpërsimi i krizës ta çojë bashkësinë
ndërkombëtare drejt një udhe, e cila nuk i lejon më të veprojë konkretisht për zgjidhjen
e shumë çështjeve me interes botëror. Rev. Tveit bëri thirrje që palët në konflikt
të impenjohen për të ndalur dhunën, për të rifilluar dialogun e për t’i hapur rrugën
diplomacisë. Pasojat e dështimit të dialogut, nënvizohet në deklaratën e Këshillit
Botëror të Kishave, do të shkaktonin pa dyshim vuajtje të rënda të mëtejshme në Ukrainë,
por edhe në nivelin ndërkombëtar. Deklarata përfundon me kërkesën për lutje që të
mbizotërojë urtia, paqja dhe drejtësia.