Ֆրանչիսկոս Սրբազան Քահանայապետի Մարտ 1-ի գործունէութիւնը։

Շաբաթ, մարտ 1-ին, առաւօտեան ժամը 10-ին, Ֆրանչիսկոս Սրբազան Քահանայապետը իր գրասենեակի մէջ ընդունեց` Կարտինալ Մարք Ուելլէն, Եպիսկոպոսներու Ժողովի կառավարիչը։ Ապա ժամը 11-ին, Նորին Սրբութիւնը ընդունեց Ռումանիայի վարչապետ` տիար Վիքթոր Քիորել Փոնթա, անոր կողակիցը եւ անոնց ընկերացող շքախումբը։
Ժամը 11.30-ին, Ֆրանչիսկոս Քահանայապետը ընդունեց Սուրբ Աթոռի մօտ Չիլէի հանրապետութեան դեսպան` Տիար Ֆերնանտօ Զէկէրս Սանդա Քրուզը, հրաժեշտի այցելութեան առթիւ, հուսկ ըդնունեց Սպանիայի եպիսկոպոսական համահաւաք դասէն տասը երպիսկոպոսներ որոնք Հռոմ ժամանած են իրենց հնգամեայ կանոնական այցելութիւնները կատարելու սուրբ Պետրոսի յաջորդին։ Յայտնենք որ Ֆրանչիսկոս Պապը` յետմիջօրէին կ՛ընդունի ամերիկացի Փրոֆ. Ժորժ Ուեկէլը։