Быць для бедных сапраўднай
“пяшчотай Бога”. З такімі словамі папа Францішак звярнуўся да членаў “Кола св. Пятра”
– дабрачыннай арганізацыі, якая ўжо на працягу 145-ці гадоў ад імя Пантыфіка клапоціцца
аб патрабуючых на тэрыторыі Рымскай дыяцэзіі. Святы Айцец скіраваў сваё пасланне
з нагоды юбілейнага пленарнага пасяджэння арганізацыі, якое праходзіла 28 лютага 2014
г. у Ватыкане. Зварот зачытаў прэфект Папскага дома арцыбіскуп Георг Генсвайн. У ім
Францішак заклікаў асацыяцыю працягваць быць “бачным знакам любові Хрыста” і падтрымкай
для “дабрачыннай дзейнасці Апостальскай Сталіцы на карысць самых бедных і патрабуючых”.
Папа таксама пажадаў членам арганізацыі працягваць “ганаровае служэнне”, звязанае
з гасцінным прыёмам пілігрымаў, якія прыбываюць у Рым з розных частак свету. Кіраўнікі
“Кола св. Пятра” Леапольда Тарлоніа нагадаў, што дабрачынная арганізацыя вядзе вельмі
шырокую дзейнасць, якая тычыцца як матэрыяльнай, так і духоўнай дапамогі. Яна не толькі
прапануе бедным пасілкі і месца для начлегу, але і дае магчымасць наведваць вячэрнія
школы, займацца спортам, падрыхтавацца да Першай св. Камуніі, прайсці катэхізацыю.
“Кола
св. Пятра” было заснавана ў Рыме ў 1869 г. па ініцыятыве групы маладых людзей з мясцовых
заможных сем’яў. Праз каталіцкую прэсу, збор подпісаў і ініцыятывы салідарнасці яны
выступалі ў абарону Святога Айца перад абліччам нападак, якія часта здзяйсняліся ў
той складаны для папскага служэння перыяд гісторыі. Затым Пій IX даверыў ім асабліва
заданне – клапаціцца пра рымскіх беднякоў – якое члены асацыяцыі працягваюць выконваць
да сённяшняга дня.