Ուքրանիոյ մէջ բախումները կը շարունակուին
Gazeta.ru կը հաղորդէ, որ Խրիմի խորհրդարանի շէնքին մօտ Ուքրանիոյ նոր իշխանութիւններու
քանի մը հարիւր հակառակորդներու եւ առնուազն երկու հազար թաթարներու միջեւ բախում տեղի
ունեցած է: «ՌԻԱ Նովոսթի» կը հաղորդէ, որ Ուքրանիոյ նոր իշխանութիւններուն հակառակորդները
երեքշաբթի օրուընէ ի վեր Խրիմի խորհրդարանին մօտ անժամկէտ ցոյց կը կատարէին` Խրիմի ղեկավարութենէն
պահանջելով չճանչնալ Ուքրանիոյ նոր իշխանութիւնները:«Պի.Պի.Սի.» հաղորդեց, որ թաթարները «փառք Ուքրանիոյ» բացագանչած են, իսկ ռուսամէտները «Ռուսիա» պատասխանած են:
Ուքրանիոյ նախկին նախագահներ Լէոնիտ Քրաւչուք, Լէոնիտ Քուչմա եւ Վիքթոր Եուշչենքօ երէկ միացեալ յայտարարութիւն մը հրապարակելով դատապարտեցին խրիմեան քաղաքականութեան մէջ Ռուսիոյ միջամտութիւնը:
| All the contents on this site are copyrighted ©. |