На надзвычайным кансісторыі выступілі 69 кардыналаў
21 лютага 2014 г.
у другой палове дня прайшло апошняе пасяджэнне ў рамках надзвычайнага кансісторыя,
на якім былі заслуханы выступленні кардыналаў, што датычылі шырокага кола пытанняў
пра сям’ю, паведаміў кс. Фэдэрыка Ламбардзі. Усяго на асамблеі выступілі 69 кардыналаў.
Сустрэча прайшла ў станоўчай атмасферы. Усе прысутныя выказалі сваю задаволенасць
змястоўнасцю і глыбінёй выступленняў, адзначыў кіраўнік Залы Друку Святога Пасаду.
Пантыфік
выступіў на кансісторыі з кароткім заключным словам, падзякаваўшы ўсім удзельнікам
і выказаўшы перакананне, што Пан будзе падтрымліваць Касцёл у яго намаганнях і пошуках
на шляху “Евангелля сям’і”. Важным крокам у гэтым працэсе стаў кансісторый, які папярэднічаў
сёлетняму Сіноду Біскупаў. Папа Францішак запрасіў кардыналаў маліцца ў гэтай інтэнцыі
і за яго.